16.8 C
Prizren
E premte, 29 Mars, 2024

Ky është kushti i PDK-së për Qeverinë, për dhënien e votave për kalimin e Ligjit për Rimëkëmbje Ekonomike

Partia Demokratike e Kosovës, e ka një kusht për ta votuar Ligjin për Rimëkëmbje Ekonomike, të propozuar nga ana e Qeverisë Hoti.

Partia e Kadri Veselit, thotë se për t’i siguruar Qeveria Hoti, votat e nevojshme për ta kaluar Ligjin për Rimëkëmbje Ekonomike, duhet që të fus në ligj edhe propozimet e PDK-së, lidhur me këtë ligj.

Deputeti i PDK-së, Kujtim Gashi, thotë se janë të gatshëm që të ulen së bashku me zyrtarë të Qeverisë, për të gjetur zgjidhje lidhur me këtë çështje.

“Ne jemi për një ligj për rimëkëmbje ekonomike që i adreson nevojat e qytetarëve, jemi që të ulemi të bisedojmë me qeverinë, odat ekonomike e bizneset që të dalë një ligj i mirë. Ligji i propozuar nga PDK ka më shumë mbështetje nga bizneset se ai i qeverisë, ne kërkojmë që ligjet tona të shqyrtohen dhe së bashku me ligjin e qeverisë ta krijojmë një ligj të përbashkët”, deklaroi Gashi për Gazeta Blic.

Gashi shton se ligji i propozuar nga PDK ka më shumë mbështetje nga bizneset se ai i Qeverisë.

“Nuk e mbështesim një ligj të improvizuar si ky i qeverisë. Nuk e kuptoj arrogancën e qeverisë se pse nuk pranon të ulet dhe të dakordohemi për një ligj që i ndihmon qytetarët”, shton deputeti Gashi.

Për herë të gjashtë radhazi, deputetëve të Kuvendit, do iu servohet për votim këtë të enjte, Ligji për Rimëkëmbje Ekonomike.Nëse nuk arrihet dakordim i koalicionit qeverisës me ndonjë parti nga opozita, atëherë më shumë gjasë, do të dështojë sërish kalimi i këtij ligji.Në këtë ligj, parashihet edhe dhënia prej 10 për qind të Trustit për qytetarët.Edhe në këtë pikë, ka pasur dallime mes propozimit të dhënë nga ana e qeverisë dhe atij të PDK-së.

Më Shumë

MAPL-ja ndan mbi 8 milionë euro për 11 komuna

Ministri i Administrimit dhe Pushtetit Lokal (MAPL), Elbert Krasniqi, ka bërë me dije se janë ndarë 8 milionë euro në 11 komuna të Kosovës. Në...

Ushtroi dhunë fizike ndaj katër personave, arrestohet i dyshuari në Prizren

Policia e Kosovës ka njoftuar se ka arrestuar një person në Prizren, pasi i njëjti kishte ushtruar dhunë fizike ndaj katër personave. Rasti ka ndodhur...

Lajmet e Fundit