Kryetari i Komunës së Rahovecit, Smajl Latifi, njofton se me ftesë të kryetarit të Bashkisë së Kavajës, Fisnik Qosja, bashkë me kryetarët e komunave të Kosovës, po marrin pjesë për vizitë në qytetin e Kavajës.
Me anë të një postimi në llogarinë e tij në Facebook, ai bën të ditur se vizita do të shërbejë për krijimin e një platforme të përbashkët të bashkëpunimit, të shkëmbimit të përvojave mes Bashkisë së Kavajës dhe komunave të Kosovës, nën moton “Mbështetje-Shkëmbim-Promovim”.
