Skënder Hyseni, Lutfi Haziri, Haki Rugova, Arben Gashi, Teuta Sahatqija dhe Agim Veliu, me vitet të tëra janë deklaruar të afërt me familjen Rugova dhe përfaqësues të frymës së tij. Por të enjten ata kanë heshtur kur është përmendur emri i një anëtari të kësaj familje.
Askush nga këta përfaqësues të LDK-së, nuk kanë qenë të gatshëm t’i komentojnë deklaratat e djalit të Ibrahim Rugovës, Mendimit, në lidhje me zhvillimet në këtë parti. Të kontaktuar nga gazeta, asnjëri nga emrat e lartcekur nuk ka marrë guximin të thonë qoftë edhe një fjalë rreth deklaratave të Rugovës. Lutfi Haziri, anëtar i Kryesisë së LDK-së, kur e ka kuptuar arsyen e telefonatës nga gazeta ka kërkuar që të kontaktohet më vonë për shkak se siç ka thënë ai “është i zënë me takime”. Por, më vonë nuk i është përgjigjur thirrjeve të gazetës.
njëjtë, me të kuptuar temën e thirrjes nga gazeta ka vepruar edhe Skënder Hyseni, ish ministri i LDK-së që deklarohet të ketë qenë bashkëpunëtor i afërt i ish presidentit Rugova. Hyseni e ka mbyllur telefonin dhe nuk e ka hapur më, posa është pyetur nëse ka koment për deklaratat e djalit të ish presidentit. Mendim Rugova, në një intervistë për gazetën Tribuna, ka thënë se LDK-së i mungon guximi