19.8 C
Prizren
E shtunë, 1 Tetor, 2022

LDK-ja i kundërpërgjigjet Haskukës: Je i nervozuar me Vetëvendosjen

Lidhja Demokratike e Kosovës(LDK) në Prizren i është kundërpërgjigjur akuzave të kryetarit të Komunës, Mytaher Haskuka.

Sipas këtij subjekti politik, Haskuka është i nervozuar me partinë e tij.

“Reagimet histerike të Haskukës më nuk mund t’i marr askush seriozisht”, thuhet në reagimin e LDK-së në Prizren.

Haskuka ka akuzuar partitë opozitare për bllokatë, në katër vitet e fundit, transmeton “PrizrenPress”

Komunikata e plotë e LDK-së në Prizren

Si rezultat i dështimit total në qeverisje, Kryetari i Komunës, Mytaher Haskuka, i nervozuar me vështirësitë dhe pengesat që i janë vënë brenda partisë për ta fituar të drejtën e rikandidimit, ka kapur shkopin e po i fishkëllon gjithkujt që po i bie në mend.
Pas sulmit që i bëri shoqërisë civile, tash shigjetat i ka drejtuar mbi grupet e kuvendarëve opozitar.

Reagimet e tij histerike më as nuk mund ti merr kush seriozisht, prandaj ne LDK me kandidatin për kryetar, Anton Quni, të qetë po e vrojtojmë krijimin e situatës kaotike në pushtetin lokal dhe në partinë që është në pushtet, me akuzat e paqena e të pabaza, ne as që kemi kohë të merremi.

Kandidati ynë Anton Quni, me një ekip të gjerë profesionistësh, burra e gra, djem e vajza të reja entuziaste e kreativ, do të jetë çdo ditë në teren për të takuar qytetarët e komunës së Prizrenit, për ti njoftuar me platformën tonë dhe për të bashkëbiseduar e inkorporuar kërkesat e nevojat e tyre në këtë pmatformë që do të jetë më e mira në zgjedhjet lokale të kësaj vjeshte.

Ne po bëhemi gati që me mbështetjen e qytetarëve t’ua marrim drejtimin e komunës, sepse Prizreni dhe prizrenasit mezi po presin me i dhënë fund këtij cirku katërvjeçar.
Prizreni nuk e ka merituar një qeverisje të tillë dembele, jokreative e të paaftë që nuk punon asgjë dhe për dështimet e veta shikon e tenton ta gjej fajtorin diku tjeter.

Sipas, Haskukes, gjithkush dhe gjithçka ishte dhe është kundër tij, por asesi ai dhe bashkëpunëtorët e tij të korruptuar e hajna që vec vjedhjes gjë tjetër nuk kanë sjellë në dritë.

Do të ikni të turpëruar e do të mbaheni në mend për qeverisjen e dështuar e të korruptuar dhe më dembelen që nga paslufta.

 

Më Shumë

“Jo për ju, por për të mbrojtur flamurin”

Kombëtarja shqiptare po kalon një periudhë të vështirë. Kuqezinjtë zhgënjyen totalisht në këtë edicion të Nations League, duke u renditur në vendin e 3-të. Në...

Rritet çmimi i makaronave, jogurtit dhe kafes, lirohet pak orizi

Agjencia e Statistikave të Kosovës (ASK) ka publikuar një raport sa i përket lëvizjeve të çmimeve të artikujve bazë në pesë ditët e fundit. Të...

Lajmet e Fundit