Dega e Lidhjes Demokratike e Kosovës në Rahovec, përmes një reagimi për media ka akuzuar se militantet e Partisë Demokratike të Kosovës kanë dëmtuar rendë materialet promovuese të LDK-së në Rahhovec.
“Militantë të Partisë Demokratike të Kosovës në Rahovec, të dëshpëruar duke parë humbjen që po vjen me 8 Qershor dhe duke parë përkrahjen masive të qytetarëve dhënë LDK-ës si asnjëherë me pare, sot në mëngjesin e hershëm kanë dëmtuar materialet promovuese të LDK-së në Rahovec.”
“Dega e Lidhjes Demokratike të Kosovës në Rahovec, dënon këtë akt qyqar dhe të pa pranueshëm për vlerat qytetare të Rahovecit e më gjerë, kërkon nga Policia e Kosovës, KZAP-i dhe institucionet relevante të ndërmarrin veprime ndëshkuese për kryesit e këtyre akteve jo qytetare.”
“Njëkohësisht kërkojmë nga qytetarët, anëtarësia dhe simpatizantët e Lidhjes Demokratike të Kosovës të ruajnë qetësinë qytetare, të shkojmë në zgjedhjet e 8 qershorit në fitoren e madhe për Kosovën, LDK-në dhe kthimin e dinjitetit të qytetarit dhe demokracisë në vend”, thuhet në reagimin e degës së LDK-së në Rahovec.