Edhe pse konkursi i DKA-së në Rahovec ishte cilësuar si joligjor nga ana e inspektoratit të punës në Prizren, DKA dje ka mbajtur intervistat me kandidatët, ndonëse ende nuk ka publikuar rezultatet.
Mirëpo, siç mësohet nga kandidatët, intervistimi ka qenë sa për sy e faqe dhe aspak serioz. Njëri nga aplikantët, ish kandidati për kryetar të komunës së Rahovecit, Irfan Cana ka bërë publike pyetjet qesharake që i janë bërë gjatë intervistimit.
“Në vend që të shtrojnë pyetje verifikuese që lidhen me lëndët dhe kuadrin që kërkohet, me pyetën: Ti që dhjetë herë po konkurron? Sa vjet i ke? Ku e ke djalin? Pse e ke regjistru në ekonomi?”; të këtilla pyetje i ka bërë kryesuesi i komisionit, punëtori i DKA-së, Vesel Krasniqi.
Irfan Cana më tutje ka shkruar në profilin e tij në facebook, se pas të gjitha shkeljeve që ka bërë Drejtori i Arsimit në Rahovec, Behar Rama, ai tanimë është dashur të gjendet prapa grilave, dhe jo të udhëheq arsimin në Rahovec.
Ai e ka quajtur Behar Ramën si të pamoralshëm dhe të deformuar, duke thënë se të tillë do t’i bëjë edhe nxënësit nëse vazhdon të jetë drejtor./RahovecPress/