Deputeti i Kuvendit të Kosovës, Fatmir Limaj, ka uruar të gjithë shqiptarët me rastin e 28 Nëntorit. Limaj ka uruar nëpërmjet rrjetit social “Facebook”, duke vlerësuar se “28 Nëntori” është dita e lirisë.
“Të lirë në mendjet tona, të lirë në fjalët tona, në këtë ditë të kthesave historike, në këtë ditë të shqiptarisë le të mos harrojmë që së bashku me lirinë vjen edhe përgjegjësia, liria nuk na është falur, ajo është paguar me gjakun e djemve më të mirë të këtij vendi”, thuhet në urimin e Limajt. “Urime dita e flamurit, dalja në publik e UÇK-së dhe ditëlindja e komandantit legjendar të UÇK-së Adem JASHARI”, ka shkruar Limaj.