15.9 C
Prizren
E mërkurë, 17 Shtator, 2025

Limaj për vjedhjen në Thesar: Mos të ngutemi, le të merret hetuesia me rastin (VIDEO)

Kryetari i Nisma Sociale Demokrate, Fatmir Limaj, ka thënë se nuk duhet dhënë ngjyrime partiake rastit të fundit të bartjes së dy milionë eurove nga Thesari i Shtetit tek një kompani private.

Për të dyshuarin Kadri Shala, i cili u është anëtar i kësaj partie, Limaj është shprehur: “Kadriu është shqiptar dhe nuk mund të themi tash se të gjithë shqiptarët janë të tillë. Është logjikë joprofesionale e raportimit. Nuk identifikohet partia me krimin. Edhe të burgosurit votojnë parti”.

Ai është shprehur se secili që bën krim duhet të dalë para drejtësisë dhe të japë llogari, njofton Klan Kosova.

“Duhet t’ia lëmë hetuesisë. Mos të ngutemi, le t’u mbetet hetimeve. Ka pasë raste kur mjetet janë hedhur diku tjetër se ka pasë gabime teknike, gabimet kanë qenë njerëzore. Hetimet nuk duhet të bëhen nëpër studio”.

“Ministrja Hykmete Bajrami nga detyra e vet zyrtare e ka bërë detyrën e informimit publik. Është hap i drejtë. Nëse ka ndodh vjedhja ka vepër penale. Nëse gabimi ka qenë njerëzor nuk duhet të merret si gabim trashanik. Duhet të flasin hetimet. Ministrja duhet tu drejtohet organeve dhe t’ua jap mundësinë që të shkohet tek e vërteta”.

Më Shumë

Në muajin korrik kanë vdekur 876 persona në Kosovë

Gjatë muajit korrik 2025, në Kosovë janë regjistruar gjithsej 876 raste të vdekjeve, përfshirë ato të ndodhura brenda dhe jashtë vendit, sipas të dhënave...

Sindikata e Arsimit paralajmëron Qeverinë: Rritje pagash ose veprime sindikale, nuk përjashtohet greva

Kryetari i Sindikatës së Arsimit, Rrahman Jasharaj, tha se ndër kërkesat e tyre kryesore është rritja e pagave. Ai për Ekonomia Online tha se Sindikata...

Lajmet e Fundit