Lideri i NISMA-s për Kosovën, Fatmir Limaj, vendimin e Konferencës së Përgjithshme të UNESCO-s për të mos e pranuar Kosovën në këtë organizatë, e ka cilësuar si dështim të diplomacisë së vendit.
Limaj në profilin e tij në Facebook u deklarua se diplomatët kosovarë dështuan që t’i bindin edhe shtetet që tashmë e kanë njohur shtetësinë e Kosovës që të votojnë në favor të anëtarësimit në këtë agjenci të Organizatës së Kombeve të Bashkuara.
“Lajm shumë i keq për vendin. Ky është dështimi më i madh i diplomacisë Kosovare që nga krijimi i saj”.
“Diplomacia Kosovare jo vetëm që nuk siguroj vota shtesë nga vendet që nuk e kanë njohur ende Kosovën, por fatkeqësisht kjo diplomaci nuk arriti të bind për të votuar për edhe ato vende që na kanë njohur si shtet”.
“Kjo është fiasko për Ministrinë e Jashtme dhe për këtë Qeveri e cila qe sa muaj e paraqiste si punë të kryer anëtarësimin e vendit tonë në UNESCO”, ka shkruar Limaj në profilin e tij në Facebook.