Nënkryetarja e Parlamentit Evropian, njëherësh raportuese për Kosovën në PE, Ulrike Lunacek, nesër do të takohet me anëtarët e Komisionit për Integrime Evropiane.
Por, pjesë e këtij takimi nuk do të jenë edhe anëtarët që vijnë nga opozita.
Opozita në këtë komision përfaqësohet nga deputetët, ai Vetëvendosjes, Ilir Deda dhe nga deputetja e AAK-së, Time Kadrijaj.
Zëdhënësi i AAK-së, Muharrem Nitaj ka thënë për ORAinfo se opozita nuk ka ndryshuar qëndrim për bojkotimin e të gjitha mbledhjeve të komisioneve.
“Përfaqësuesja e AAK-së nuk do të marrë pjesë nesër në takimin e Komisionit për Integrime Evropiane”, ka thënë Nitaj.
Opozita gjithashtu ka paralajmëruar se do të pamundësojë edhe mbajtjen e seancave të Kuvendit deri në kohën kur do të tërhiqet nënshkrimi për themelimin e “Zajednicës” dhe demarkacionit me Malin e Zi.