30.9 C
Prizren
E martë, 8 Korrik, 2025

Lugina, preokupim i Qeverisë

BekimCollaku-keshilltarBekim Çollaku, këshilltar politik i kryeministrit të Kosovës, ka thënë se në takimin e radhës në Bruksel në mes të Thaçit dhe Daçiqit nuk do të diskutohet asnjë temë e cila nuk është diskutuar deri më tani.

Duke iu referuar kërkesave të përfaqësuesve të Luginës së Preshevës, që çështja e Luginës të diskutohet në Bruksel, Çollaku ka deklaruar se procesi i dialogut ka të bëjë vetëm me procesin e normalizimit të marrëdhënieve në mes të Kosovës dhe Serbisë. Pavarësisht kësaj, Çollaku ka thënë se çështja e Luginës së Preshevës mbetet preokupim i Qeverisë dhe kryeministrit Thaçi. “Kërkesa e përfaqësuesve të Luginës nuk paraqet ndonjë risi për ne sepse gjithmonë i adresojmë problemet dhe shqetësimet e tyre”, ka deklaruar Çollaku në një intervistë për “Epokën e re”.

Çollaku në këtë intervistë ka folur edhe për çështjen e zbatimit të marrëveshjes së 19 prillit. Në këtë kontekst, ai ka vlerësuar se mbajtja e zgjedhjeve lokale edhe në veri të Kosovës paraqet thelbin esencial të zbatimit të kësaj marrëveshje. “Për mendimin tim, ky është thelbi historik i krejt marrëveshjes së Brukselit. Këtë duhet ta kenë të gjithë qytetarët e Kosovës. Çdo gjë tjetër është dytësore dhe jorelevante. Shmangia e ndarjes së Kosovës, mbajtja e zgjedhjeve në veri dhe futja nën ombrellën e shtetit të katër komunave veriore është suksesi më i madh historik të cilin e kemi arritur ndonjëherë”, ka thënë Çollaku.

Më Shumë

Emilija Rexhepi rizgjidhet kryetare e NDS-së

Emilija Rexhepi është zgjedhur edhe për një mandat kryetare e partisë Nova Demokratska Stranka (NDS), në Kongresin e 5-të të kësaj parti që u...

Dy aksidente brenda gjysmë ore në Prizren

Dy aksidente trafiku kanë ndodhur në dy vende të ndryshme në Prizren brenda gjysmë ore. “Kanë qenë dy aksidente rreth orës 16:00 dhe 16:30. Në...

Lajmet e Fundit