Komuna e Malishevës, me 46 vendbanimet e saja, vazhdon të mbetet një prej rajoneve më të sigurta dhe më të qeta në vend. Kështu u vlerësua në mbledhjen e rregullt të Këshillit Komunal për Siguri në Bashkësi (KKSB), ku u trajtua situa e sigurisë së përgjithshme në Komunën e Malishevës.
Nënkryetari i Komunës së Malishevës, Raxhep Mazreku, duke folur për situatën e sigurisë së përgjithshme, tha se “është e qetë, stabile dhe pa indikacione për prishje të kësaj gjendje”, përderisa vlerësoi lartë edhe punën dhe bashkëpunimin e institucioneve përgjegjëse për sigurinë në vend, në raport me institucionin e Komunës.
Nga ana tjetër, komandanti i i stacionit policor në Malishevë, kapiteni Halil Morina, bazuar në të dhënat policore, e vlerësoi të qetë dhe stabile situatën e sigurisë s përgjithshme, dhe gjithashtu vlerësoi lartë bashkëpunimin ndërinstitucional, për krijimin e një ambienti të gjithë qytetarët. Kapiteni Morina, po ashtu njoftoi edhe për ligjëratat e mbajtura me rreth 2300 nxënës të shkollave të mesme, kundër narkotikëve dhe për aksionin e përbashkët me ATK-në, inspektorët komunal dhe policin, për mbylljen e lokaleve të lojërave të fatit, të cilat nuk kanë respektuar distancën e lejuar me ligj, në raport me institucionet publike.
Ahmet Morina, nga drejtoria për mbrojtje dhe shpëtim, njoftoi për një aksion, për largimin e rrezikut në Stapanica (Burim), ku njësia e zjarrfikësve dhe shpëtimit, ka larguar një lis të gjatë mbi 30 metra, e që rrezikonte të rrëzohej mbi një shtëpi banimi, në trotuarin ku ecin nxënësit apo mbi rrjetin e shpërndarjes së rrymës. /PrizrenPress.com/