Një dajë me tre nipat e vet kanë bërë dje në Mamushë tentim për të rrëmbyer një person, i cili u ka pasur një borxh të vjetër, njoftoi Drejtoria e Policisë Rajonale të Prizrenit.
Katër personat, dy nga Rahoveci dhe dy nga Retia, kanë shkuar te viktima në Mamushë dhe pasi kanë biseduar me të e kanë bindur të hyjë në veturën e tyre “Fiat Tipo” dhe më pas kanë filluar ta keqtrajtojnë.
Gjatë tentativës për t’u larguar nga fshati, viktima kishte kundërshtuar të qëndrojë më tej në veturë dhe ishte kacafytur me të dyshuarit dhe kishte bërtitur. Më tej, sipas komunikatës, në qendër të Mamushës, të dyshuarit e lënë të lirë viktimën dhe marrin arratinë.
Policia njofton se më vonë i ka gjetur dhe arrestuar të dyshuarit. Pas sqarimit të rrethanave të rastit, në konsultim me prokurorin e shtetit, dy të dyshuar janë ndalur me masën e arrestit policor, ndërsa dy të tjerë do të ndiqen penalisht në gjendje të lirë