Manchester United e ka gjetur trashgimtarin e Paul Pogba-s në mesfushë. Francezi do të largohet si transferim i lirë në fund të sezonit, pasi përfundon kontratën në “Old Trafford”.
Sipas britanikes “The Athletic”, United ka piketuar, Ryan Gravenberch-in si zëvendësuesin e Pogba-s.
Mesfushori i talentuar i Ajax-it ka kontratë me holandezët deri në verën e 2023. Kartoni i tij vlerësohet rreth 35 milionë euro. Një shumë e përballueshme për arkat e United.
19-vjeçari ka tërhequr shumë skuadra të mëdha falë paraqitjeve të mira të tij. Mes të cilave Juventus, Bayern Munich apo dhe Atletico Madrid.
Gravenberch është produkt 100 për qind i Ajax-it. Në 2019 ai kaloi nga ekipet zinxhire në skuadrën e parë. Dhe që nga ajo kohë, ai numëron 97 paraqitje, 11 gola dhe 13 asiste. Prej të cilave nga sezoni aktual janë 36 paraqitje, dy gola dhe gjashtë asiste.
/Albanianpost.com