24.8 C
Prizren
E shtunë, 25 Maj, 2024

Maqedonia dhe Serbia me njohje të ndërsjellë të patentë-shoferëve

Nebojsha Stefanoviq dhe Gordana JankulloskaMinistrat e Punëve të Brendshme të Serbisë dhe Maqedonisë, Nebojsha Stefanoviq dhe Gordana Jankulloska dje në Beograd nënshkruan marrëveshje reciproke për njohjen e patentë shoferit të qytetarëve të të dy vendeve.

“Kjo marrëveshje do t’iu mundësojë qytetarëve të kalojnë nga një vend në një tjetër, pa procedura të veçanta”, deklaroi ministri serb Stefanoviq, transmeton Alsat-M.

Ai ka sqaruar se marrëveshje duhet të ratifikohet në Parlamentin e Serbisë që të hyjë në fuqi dhe ka shfaqur shpresë se kjo do të ndodhë shumë shpejt.

Stefanoviq ka vlerësuar se policia në Serbi dhe Maqedoni kanë bashkëpunim shumë të mirë dhe se ekziston shqyrtim intensiv për shkatërrimin e emigracionit të paligjshëm dhe trafikimit të lëndëve narkotike.

Sipas ministres Jankulloska marrëveshje e nënshkruar ka rëndësi të veçantë për qytetarët e të dy vendeve, për shkak se shumë shtetas serbë në mënyrë tranzitore kalojnë përmes Maqedonisë në rrugën drejt destinacioneve turistike.

Jankulloska theksoi se bashkëpunimi në mes të dy policive paraqet shembull për bashkëpunim rajonal të mirë dhe ka theksuar se ka shumë fusha për të cilat është i domosdoshëm një bashkëpunim i tillë duke pasur parasysh sfidat lidhur me llojet e ndryshme të kriminalitet në rajon.

Më Shumë

Lajmet e Fundit