Drejtori i Përgjithshëm i Policisë së Kosovës, Shpend Maxhuni në një intervistë të shkurtër dhënë Indeksonline, ka thënë se Policia e Kosovës për vitin 2014, do të vazhdoj aktivitetet e saja konform përgjegjësive, gjithnjë duke u bazuar në objektivat strategjike të cilat dalin nga plani strategjik zhvillimor 2011-2015 si dhe plani vjetor per vitin fiskal 2014.
Sipast tij, prioritet i prioriteteve do të jetë vazhdimi dhe avancimi me të gjitha kapacitetet në dispozicion kundër të gjitha dukurive negative për shoqerinë tonë e me fokus të vecante kundër krimit të organizuar dhe korrupsionit.
“Besojmë fuqishëm se me një bashkepunim ndërinstitucional relevant do të arrijmë që edhe pergjatë vitit 2014 të arrijmë suksesin e dëshiruar në të mirë të sigurisë së vendit dhe qytetarëve”, tha Maxhuni.
Ai tha se avancimi i bashkëpunimit ndërkombetar do të vazhdoj të jetë prioritet edhe në vitin 2014. Pjesmarrja në operacione të përbashkëta me mekanizmat ndërkombëtar të sigurisë si dhe pjesmarrja në iniciativa te ndryshme rajonale dhe me gjerë do të jetë synim për vitin 2014.
“Avancimi dhe modernizini i disa segmeteve më të rëndësishme brenda PK-së do të jenë në kuadër të planifikimeve për vitin 2014 me qëllim të arritjes së sukseseve të dëshiruara në kuadër të vizionit dhe misionit që ka PK”, tha Maxhuni.
Konform obligimeve që dalin në kuadër të proceseve integruese të vendit, Maxhnuni tha se PK do të vazhdoj që të përmbushë me kohë të gjitha obligimet e nevojshme në mënyrë shumë profesionale me qëllim që këto procese të realizohen sa më shpejt në të mirë të qytetarëve të vendit.
“Duke marrë për baze specifikat e punës qe ka Policia e Kosovës dhe natyrën e punës që bëjnë pjestarët e saj, avancimi i mirëqenjës së pjestarëve të PK do të jetë në agjendën time edhe në vitin 2014. Shpresoj dhe besoj që me ndihmën e Qeverisë së vendit do të arrijmë që duke filluar nga ky vit të kemi lëvizje pozitive në kuadër të statusit social i cili do të ndikoj në avacnsimin e mirëqenjes së pjestarëve të PK-së, si garantues të sigurisë dhe përspektivës euroatlantike të vendit”, tha ai.
Për fund, ai ka falenderuar të gjithë pjestarët e Policisë së Kosovës për punën dhe kontributin e tyre të dhënë për sigurinë dhe rendin në vend si dhe të gjithë qytetarët e vendit për bashkëpunimin dhe partneritetin e krijuar me PK.