Kuvendi i jashtëzakonshëm i Asociacionit të Gazetarëve Profesionistë të Kosovës (AGPK), do të mbahet sot, ku pritet të zgjidhen organet e reja të kësaj organizate, si dhe të propozohen ndryshime statutare, pas problemeve të krijuara dhe paralizimit të punës së asociacionit, si rrjedhojë e dorëheqjes së Bordit dhe të kryetares së AGPK-së.
Kuvendi i Jashtëzakonshëm i AGPK-së mbahet pas mbledhjes së 325 nënshkrimeve nga Këshilli Inicues i përbërë nga gazetarë të mediave të ndryshme të Kosovës.
Kështu ka njoftuar Këshilli iniciues për organizimin e këtij Kuvendi, i cili nëpërmjet një njoftimi për medie ka ftuar gazetarët e të gjitha mediave të shkruara dhe elektronike që sot prej orës 10:00 t’i përgjigjen ftesës për pjesëmarrje në Kuvend të jashtëzakonshëm të AGPK-së.