8.8 C
Prizren
E premte, 19 Prill, 2024

Mbyllen tri ndeshjet e Superligës, fitojnë Ballkani, Llapi e Prishtina

Të tre favoritet e tri xhirove të sotme të Superligës së Kosovës në futboll arritën t’i marrin pikët e plota.

Ballkani fitoi derbin përballë Gjilanit, duke mbajtur gjallë luftën për titull ndaj ekipit tjetër gjilanas, Dritës.

Golin e parë e shënoi Korenica në minutën e 19-të, ndërsa për rezultatin final (2-0) u përkujdes Albion Rrahmani, njofton Klankosova.tv.

Ndërkaq, ndonëse ishte favorit, Llapi e pati punë të vështirë kundër Malishevës, fitoren ndaj së cilës e arriti tek në minutën e 87-të të takimit me golin e Riveras.

Kurse, Prishtina arriti që me rikthim rezultati t’i rrëmbejë tri pikë të plota ndaj Trepçës ’89.

Të parët që kaluan në epërsi ishin mitrovicasit ku Muja në minutën e 29-të të takimit shënoi për 0-1, rezultat ky që mbylli pjesën e parë.

Ndërsa, në minutën e 53-të, ishte Prapashtica ai që barazoi shifrat, ndërsa vetëm katër minuta më vonë, Pllana e kaloi Prishtinën në epërsi, njofton Klankosova.tv.

Pllana shënoi golin e dytë personal në minutën e 65-të për rezultatin 3-1, ndërsa për rezultatin përfundimtar u përkujdes Shefiti në minutën e 84-të.

Pas xhiros së 27-të, Ballkani kryeson tabelën me 54 pikë, Gjilani është në pozitën e tretë me 40, Prishtina në të katërtën me 38, dy më pak ka Llapi që është në pozitën e pestë, Malisheva me këtë humbje pozicionohet e shtata me 29 pikë, kurse Trepça me po aq pikë sa Malisheva është në pozitën e tetë.

Më Shumë

Mbi 1 mijë e 500 gjoba trafiku të shqiptuara për 24 orë në Kosovë

Policia e Kosovës ka shqiptuar një mijë e 516 gjoba trafiku në 24 orët e fundit. Ndërkaq, janë regjistruar edhe numri i përgjithshëm i aksidenteve...

Divorci Besi-Xhensila? Habit avokati: Ata po ndahen për pasuritë e Ilir Metës, kanë vila e prona miliona euro

Avokat Idajet Beqiri teksa ka komentuar ndryshimin e stilit të jetesës së kreut të Partisë së Lirisë, Ilir Meta, ka theksuar se edhe aktori...

Lajmet e Fundit