16.8 C
Prizren
E enjte, 28 Mars, 2024

Messi shënon rekord negativ në Ligën e Kampionëve

Lionel Messi ka shënuar një rekord negativ në Ligën e Kampionëve, teksa së bashku me legjendën e Arsenal-it Thierry Henry-n, janë bërë futbollistët me më së shumti penallti të humbura në garën më prestigjioze për klube në botë.

Ylli i PSG-së ka dështuar pesë nga 23 penalltitë që kishte marrë përsipër gjatë karrierës së tij në Ligën e Kampionëve.

E fundit që solli këtë rekord negativ për argjentinasin, ishte penalltia e humbur në ndeshjen që ekipi i tij e fitoi me rezultat minimal 1:0 ndaj Real Madrid-it, takim ky shumë i vlefshëm i raundit të 1/8-ve të finales në Champions.

Portieri i madrilenëve, Thibaut Courtois, arriti të kuptojë mirë anën se nga gjuajti Messi, të cilit më pas ia mohoi golin në këtë sfidë.

Në këtë mënyrë Messi shpërdoroi mundësinë e mirë për të kaluar parisienët në epërsi, të cilët më pas arritën ta sigurojnë fitoren vetëm në sekondat e fundit të ndeshjes, pas golit të realizuar nga Kylian Mbappe.

Gjithashtu vlen të theksohet se me penalltinë e marrë përsipër nga Lionel Messi në mbrëmjen e kaluar, ai e ka kaluar Cristiano Ronaldon për më së shumti penallti të ekzekutuara në Ligën e Kampionëve.

/Albanianpost.com

Më Shumë

Nga 1 prilli nëse nuk e pastron baltën nga mjeti, gjoba do të jetë 1 mijë euro

Në fillim të prillit pritet të fuqizohet Ligji i ri për rregullat në trafik. Kështu, parashihen gjoba të ashpra ndaj shkelësve. Iniciuesit e këtij ligji...

Ish-zëvendësministri për vrasjet në Kosovë: Duhet të angazhohet edhe AKI-ja, kjo është shndërruar në problem kombëtar

Ish-zëvendësministri i Punëve të Brendshme, Valdet Hoxha, ka folur mbi ngjarjet e fundit në vend, ku është rritur numri i vrasjeve. Ai tha se pjesën...

Lajmet e Fundit