Andrea Belotti prej datës 1 korrik është lojtar i lirë në tregun e transferimeve, pasi përfundoi kontratën me Torino-n.
Sulmuesi italian ka qenë prej kohësh pjesë e listës së dëshirave të Milan-it të Stefano Pioli-t.
Pas disa tentativave të dështuara para pak sezonesh, kuqezinjtë i janë rikthyer pistës Belotti tashmë.
Ardhja e mundshme e Belotti-t do të shërbejë për të mbuluar “humbjen” e Zlatan Ibrahimovic-it. Për shkak dëmiti, suedezi do të mungojë për një kohë të gjatë, gati shtatë muaj.
Ish-lojtari i Torino-s dhe Palermo-s, Belotti, numëron 270 paraqitje në Serie A italiane, ku ka realizuar 106 gola dhe 27 asistime.
Gjithashtu, sulmuesi numëron 44 paraqitje me Kombëtaren e Italisë, ku ka shënuar dhe 12 gola.
/Albanianpost.com