5.8 C
Prizren
E premte, 7 Tetor, 2022

Ministri Kujtim Gashi, në vizitë zyrtare në Hungari

Ministri i Ministrisë së Kulturës, Rinisë e Sportit të Kosovës, Kujtim Gashi, po qëndron në një vizitë zyrtare në Hungari.

Ai, gjatë kësaj vizite, në takime të ndara, ka takuar Csaba Balogh, Sekretar i Shtetit për Administratë, dhe Istvan Joo, Komisionar Ministror.

“Në këto takime biseduam për marrëdhëniet bilaterale ndërmjet Kosovës dhe Hungarisë në fushën e kulturës, rinisë dhe sportit dhe për mundësitë e thellimit të bashkëpunimit ndërmjet dy shteteve tona me projekte konkrete, veçmas me projektet që kanë të bëjnë me fushën e sportit, konkretisht, për ndërtimin e Stadiumit Kombëtar në Kosovë”, ka shkruar Gashi në Facebook, transmeton “PrizrenPress”.

“Në takimin me Sekretarin e shtetit Hungarez Csaba Balogh dhe me Komisionarin Ministror z. Istivan Joo, biseduam për finalizimin e një marrëveshje e cila do t’i hapte rrugë mbështetjes financiare përmes kredisë së butë që Qeveria e Hungarisë mund ta ndihmon realizimin e këtij projekti kapital sportiv”.

“Republika e Kosovës do të vazhdojë partneritetin me shtetin mik të Hungarisë, duke realizuar edhe projekte të tjera jo vetëm ne fushën e sportit, por edhe në ato të kulturës dhe trashëgimisë kulturore”.

“Mbetemi të përkushtuar që projekti për ndërtimin e Stadiumit Kombëtar të fillojë nga viti i ardhshëm”./PrizrenPress.com/

Më Shumë

Komuna e Prizrenit ofron mamografi falas kundër kancerit të gjirit

Më 1 tetor fillon fushata vjetore, ndërkombëtare e vetëdijesimit për luftën kundër kancerit të gjirit ku përmes manifestimeve dhe aktiviteteve të ndryshme të shoqërisë...

Kërcënimi bërthamor i Putinit, ShBA shpenzon 290 milionë dollarë për barna kundër rrezatimit

Shtetet e Bashkuara kanë shpenzuar 290 milionë dollarë për ilaçet kundër rrezatimit, pasi presidenti rus Vladimir Putin ka paralajmëruar Perëndimin se ishte gati të...

Vdekja e turpit!

Lajmet e Fundit