Partitë e koalicionit në Prizren, u përplasën në Kuvend.
Këshilltarët e LDK-së dhe VV-së, dolën kundër drejtorëve të Ekzekutivit që vijnë nga radhët e Nismës.
Ata akuzuan këtë subjekt politik për keqqeverisje.
Nisma, ndërkaq, i ka quajtur shpifje deklarimet e këshilltarëve të LDK-së e LVV-së.
“Një gjë duhet të jetë e qartë për të gjithë spektrin politik në Prizren se NISMA Socialdemokrate dhe mbështetësit e saj, kanë qenë vendimtarë për ndryshimin e qeverisjes në Prizren”, thuhet në reagimin e Nismës.
Këshilltarët e LDK-së, Haziz Hodaj dhe Petrit Hoxhaj i ka quajtur shërbëtorë të Klanit “Pronto”, ndërkaq ata të VV-së,, Mimoza Bushrani dhe Karanfil Haxhillarin adoleshentë politik.
Katër kuvendarët e etiketuar nuk e kanë kursyer partnerin e koalicionit, Nisma.
Ata i janë përgjigjur me të njëjtën gjuhë.
“Maja e mafiozitetit sulmon duke mëndu se sulmi është mbrojtja ma e mirë!”, kundërpërgjigjet Hodaj.
“Sa i përket reagimit të Nismës, nuk kam koment. Po e marr si shpërthim emocional të pakontrolluar. Ndryshe nuk komentohet ajo deklaratë qesharake”, ka shkruar Haxhillari.
LVV-ja, LDK-ja e Nisma janë pjesë e koalicionit qeverisës në Komunën e Prizrenit bashkë me partitë e komuniteteve joshumicë./PrizrenPress.com/