Janë bërë gati dy muaj prej që L.B nga Suhareka i ka kaluar termini për marrjen e dozës së dytë.
Kjo për shkak të problemeve shëndetësore kronike të cilat iu kanë shfaqur gjatë kësaj periudhe.
Edhe pse gjendja e saj është stabilizuar, ende nuk po arrin të marrë vaksinën anti-COVID për arsye se mjekët e qendrës së vaksinimit në Suharekë janë në dilemë se si të veprohet me të tilla raste.
“Diku pesë pacientë i kemi evidentuar që iu ka kaluar afati për marrjen e dozës së dytë dhe nuk e kanë marr vaksinën për shkak se kanë pasur probleme shëndetësore ose ndonjë intervenim”, deklaroi Besa Kuqi, drejtoreshë e Shëndetësisë në Suharekë.
Pas arrestimit të tetë personave – reagon Sveçla, zotohet për diçka
Drejtuesja e Shëndetësisë në Suharekë, Besa Kuqi, thotë se për raste si këto adresimet i kanë bërë në Komitetin për Imunizim, por pa përgjigje deri më tani.
Këto raste, sipas saj, i përkasin moshës së mesme dhe të shtyrë, të cilët janë me sëmundje kronike.
Mimoza Hoxha garon në listën e LDK-së për kuvendare të Kuvendit të Prizrenit
Megjithatë, MSH thotë se edhe për këto situata stafi është trajnuar me kohë.
“Stafi i kujdesit parësor shëndetësor është njoftuar në detaje për mënyrat e administrimit të vaksinës, kohën kur jepet doza e parë dhe kur e dyta, situatat kur personat për arsye shëndetësore duhet shtyrë vaksinimin dhe afatet optimale të vaksinimit. Komiteti për Imunizim do t’ua përcjellë sërish rekomandimet mjekëve të kujdesit parësor”, tregojnë nga Zyra e Informimit në MSH.
Deri më tani Suhareka ka administruar mbi 40 mijë doza të vaksinën anti-COVID.