7.8 C
Prizren
E martë, 23 Prill, 2024

MKRS blen 4480 kopje librash nga botuesit vendor

Memli KrasniqiKëtë vit, për herë të parë Ministria e Kulturës, Rinisë dhe Sportit ka blerë libra të botuar në dy vitet e fundit nga botuesit kosovarë. Në konkursin e shpallur muaj më parë nga Këshilli i Librit, është aplikuar po ashtu për herë të parë edhe mbështetja për botimin e revistave letrare e po ashtu edhe konkursi i parvjetshëm për botimin e titujve të rinj. Në të tri këto konkurse, përkrahja financiare që jep Ministria e Kulturës, Rinisë dhe Sportit është 70 mijë euro.

Në konkursin për blerje të librave, Ministri i Kulturës, Rinisë dhe Sportit, Memli Krasniqi ka nënshkruar rekomandimet e Këshillit të Librit për blerjen e 56 titujve të librave. Për secilin titull do të blihen nga 80 kopje. Në total numri i librave të blerë është 4480, e të cilat do t’iu shpërndahen bibliotekave komunale dhe institucioneve të tjera sociale. Mbështetja financiare për këtë kap shumën 19 mijë e 600 euro.

Krahas kësaj, bazuar në Ligjin për Bibliotekat, të miratuar vitin e kaluar, MKRS këtë vit ka ndarë mjete për pasurimin fondit të librave edhe për bibliotekat komunale. Në këtë rast, duke u bazuar në ligj, në konkursin vjetor për projekte kulturore, MKRS ka ndarë mbi 30 mijë euro për pasurimin e fondit të librave për bibliotekat komunale të Mitrovicës, Malishevës, Pejës, Kamenicës, Kaçanikut, Ferizajt, Gjilanit, Skenderajt, Junikut, Orllanit si dhe Bibliotekës së të verbërve ”Syri Ynë”në Prishtinë,shkruan RTK

Sa i përket revistave letrare, një formë e re e përkrahjes që aplikon MKRS-ja, Ministri Krasniqi ka nënshkruar rekomandimet e Këshillit të Librit për t’u përkrahur botimi i katër revistave letrare. Ato janë: ‘Sharri’ e nxjerrë nga Shoqata Kulturore “Ymer Prizreni”, KOSOVA IMZA, e nxjerrë nga Shoqata e shkrimtareve turk të Kosovës, revista ‘Bashkimi’ e nxjerrë nga shoqata Erdi, si dhe Revista ‘JETA E RE’ që botohet nga Rilindja. Mbështetja totale për këto revista shkon në 25 mijë e 130 euro.

E në konkursin për botimin e librave të rinj, MKRS sivjet mbështetë botimin e 18 tituj të librave të rinj, nga shtëpi të ndryshme botuese. Përkrahja financiare për botimin e librave të rinj është 25 mijë e 270 euro.

Më Shumë

Kosova përfiton 90 milionë euro nga Banka Botërore

Ministri i Financave, Hekuran Murati dhe zëvendëspresidentja për Evropë dhe Azi Qendrore në Bankën Botërore, Antonella Bassani, kanë nënshkruar marrëveshje për financimin e politikave...

Moti sot: Shi dhe reshje bore

Në Kosovë parashihet që sot të mbajë mot kryesisht i vranët dhe me reshje shiu të intensitetit mesatar deri të lartë, ndërsa në viset...

Lajmet e Fundit