Ministria e Kulturës, Rinisë dhe Sportit dhe Posta e Kosovës kanë nënshkruar sot një Marrëveshje Mirëkuptimi për mbështetje reciproke në përmbushjen e mandatit ligjor në kuadër të fushveprimtarisë së tyre.
Në emër të MKRS-së Memorandumi është nënshkruar nga Sekretari i Përgjithshëm, Veton Firzi, ndërkaq në emër të Postës së Kosovës, Kryeshefi ekzekutiv, Sejdi Hoxha. I pranishëm në ceremoninë e nënshkrimit ishte edhe Ministri Memli Krasniqi. Ai e vlerësoi këtë marrëveshje si një hap që do të ofrojë shërbime edhe më të mira dhe që ndikon edhe në promovimin e kulturës sonë.
Me këtë Memorandum Posta për nevoja të MKRS do të ofrojë të gjitha shërbimet postare të kërkuara, duke bërë marrëveshje konkrete si dhe do të ofroi të gjitha produktet postare për MKRS, sipas tarifave të përcaktuara dhe politikave të brendshme të Postës.
Posta e Kosovës po ashtu do të ofrojë këshilla dhe mbështetje profesionale në mënyrën e prezantimit, ruajtës dhe promovimit të pullave postare, koleksioneve për ekspozita vendore dhe ndërkombëtare; MKRS – ja ndërkaq do të mbështet dhe përkrah projektet të cilat kanë ndërlidhje më kulturën dhe prezantimin e filatelisë së Kosovës, nga Posta e Kosovës. /PrizrenPress.com/