Bashkimit Demokratik në Prizren, ka diskutuar për organizimin e zgjedhjeve lokale që do të mbahen në nëntor të këtij viti.
Komisionet profesionale të BD-së kanë prezantuar para organeve udhëheqëse projekt-planet e përgatitura për hartimin e programit zgjedhorë me ç’rast u caktua edhe ekipin që do të përgatit këtë program i cili do të jetë garantues për fitore në këto zgjedhje.
Kryetari i BD-së, Zafir Berisha tha se Kryesia gjithashtu ka diskutuar edhe për kriteret që duhet të kenë kandidatët të cilët do të garojnë në zgjedhjet lokale.
“Është një gadishmëri e madhe dhe unitet që në zgjedhjet e tre nëntorit të garojmë me ekip i cili do të triumfojë”, tha Berisha.
Nga rinia e BD-së në zgjedhjet e nëntorit do të garojnë katër kandidatë, kryetari Gani Germizaj, nënkryetari Nehat Gashi ,sekretari Leart Batusha dhe anëtarja e kryesisë Shqipe Bytyqi.
“Strukturat e Bashkimit Demokratik në të gjitha nivelet janë obliguar që të thellojnë bashkëpunimin me qytetarë për të kërkuar besimin e tyre për BD-në dhe t’i garantojnë ata që vota e tyre për Bashkimin Demokratik është votë kundër krimit të organizuar,korrupsionit dha vasalitetit politik të cilët e kanë dëmtuar rëndë imazhin e Kosovës dhe Prizrenit para Bashkësisë Evropiane”, tha Berisha./PrizrenPress.com/