Futbollistit të skuadrës franceze, Montpellier, Issiaga Sylla, i ndodhi një ngjarje e rëndë në ditën e djeshme, kur ai dhe skuadra e tij ishin duke u përgatitur në fushë para ndeshjes me Nantes.
Derisa skuadrat ishin duke u përgatitur para ndeshjes Sylla mori lajmin e rëndë për vdekjen e nënës së tij.
Mbrojtësi u ngushëllua nga shokët e skuadrës, ndërsa gjeti gjithsesi forcën për të zbritur në fushë ashtu siç ishte parashikuar, madje duke u aktivizuar për 90 minuta në triumfin e e skuadrës së tij me rezultat 0:3.
29-vjeçari është një nga titullarët më të vlerësuar në radhët e Montpellier teksa këtë sezon në Ligue 1 numëron 15 paraqitje, prej të cilave ka shënuar një gol dhe ka dhuruar tre asistime.
29-vjeçari luan për reprezentacionin e Gunieas, me të cilët numëron 70 paraqitje dhe tre gola. Albanian Post