35.8 C
Prizren
E hënë, 15 Korrik, 2024

Mosprofilizimi i punëtorëve, problem për bizneset

Mosprofilizimi i punëtorëve në fusha të caktuara në Kosovë, mbetet një nga sfidat më të mëdha me të cilat përballen bizneset në vend. Përfaqësues të bizneseve theksojnë se institucionet relevante duhet të krijojnë mekanizma për profilizime duke u bazuar në kërkesat e tregut.

Një nga sfidat me të cilat përballen bizneset në Kosovë, vazhdon të mbetet mos profilizimi i punëtorëve në fusha të caktuara. Kjo ndodh për arsye se nuk përputhet niveli i edukimit apo kualifikimi i të rinjve me tregun e punës. Kështu thotë për Radio Kosovën kryetari i Odës Ekonomike të Kosovës, Lulzim Rafuna.

“Nëse e shohim, në të gjitha analizat kjo na del sfida më e madhe ose problemi më i madh. Pra, bizneset përballen me mungesën e fuqisë punëtore në përputhje me kërkesat e tregut që kanë kompanitë tona. Oda Ekonomike e Kosovës është duke bërë të pamundurën për të gjetur mënyrën që nëpërmjet themelimit të qendrës rajonale, të bëjë trajnimin dhe certifikimin e të rinjve që kërkon tregu dhe bizneset”, tha ai.

Kërkesat e tregut aktualisht janë më shumë në profesionet teknike-inxhinerike, e që në këtë fushë duhet bërë më shumë, përderisa fusha administrative mbetet më e ngarkuara, thotë për Radio Kosovën kryetari i Aleancës Kosovare të Bizneseve, Agim Shahini.


Reklamë

RENELUAL TAHIRI prezenton tipet e banesave në kompleksin “Green Avenue” Blloku B !
Për më shumë informata na vizitoni në pikën tonë të shitjes përballë ‘Premium Park Hotel”.
Si dhe mund të na kontaktoni:
+383 44 128 112 ; +383 49 613 613
Kliko videon 

“Institucionet arsimore mbeten më të ngarkuarat, si dhe administrata. Kjo e fundit pothuajse është e stërngarkuar. Ndërsa, profesionet teknike-inxhinierike janë në kërkim dhe kanë të ardhme më të qëndrueshme. Pra, të rinjtë duhet të profilizohen në drejtime të profilizuara që të rrisin aftësitë profesionale në shkolla të ndryshme profesionale”, theksoi Shahini.

Zyrtarët e ekonomisë theksojnë se profilizimi i punëtorëve në Kosovë duhet të trajtohet nga institucione të ndryshme për të inkurajuar të rinjtë tanë që të mos kopjojnë njëri- tjetrin, por të profilizohen në drejtime të ndryshme që do t’iu siguronte edhe një vend pune.

Më Shumë

Katër fshatra pa ujë në Prizren

Kompania e Ujësjellësit "Hidroregjioni Jugor" sh.a. – Prizren njofton se për shkak të ndërprerjes së energjisë elektrike nga ana e KEDS-it, në Stacionin e...

Erdogan Brando jep dorëheqje nga “Liria” e Prizrenit

Trajneri Erdogan Brando ka dhënë dorëheqjen nga "Liria" e Prizrenit. "Brando po jep dorëheqjen nga pozita e tij për arsye familjare", njofton klubi. "Ne e...

Lajmet e Fundit