ose Mourinho thotë se Fred nuk është një zëvendësim i drejtpërdrejtë për Michael Carrick, por shton se braziliani mund të jetë një lojtar kyç në mesfushën e Manchester United, në sezonin e ri.
Braziliani u bashkua me “Djajtë e Kuq” nga ukrainasit e Shakhtar Donetsk, muajin e kaluar, për 52.5 milionë funte.
Ai nuk është ende i pranishëm te Manchester Unitedin në sezonin e parë, pas angazhimit në Kupën e Botës me Brazilin.
25-vjeçari do të jetë një shtesë e mirëpritur në mesfushën e skuadrës së Mourinhos, pas largimit të Michael Carrick, i cili doli në pension në fund të sezonit të kaluar për të marrë një rol stërvitor në klub.
“Nemanja Matic, Marouane Fellaini, Paul Pogba dhe madje Ander Herrera, janë lojtarë fizikë dhe të fortë. Ne mendojmë se kemi një lojtar si Fred në skuadër, i cili është më teknik, me cilësi më të larta të pasimit dhe driblimit në hapësira të shkurtra. Ai mund të lidhë mesfushën me lojtarët sulmues. Mund të jetë një lojtar i rëndësishëm për ne, por le të presim. Michael Carrick është Michael Carrick dhe nuk ka pasues”, deklaroi Mou.