Ramadan Muja i ka falënderuar të gjithë qytetarët për besimin e dhënë edhe për katër vitet e ardhshme. Ai tha se ndijehet i kënaqur me rezultatin e arritur në balotazh.
“I falënderoj të gjithë qytetarët për besimin e dhënë. Kemi realizuar shumë projekte, por ju premtoj se do të vazhdojmë ende të punojmë”, tha Muja.
Nënkryetari i PDK-së, Enver Hoxha tha ndërkaq se fitorja e Mujës, kundër Kryeziut të LDK-së, është e madhe. “Ramadan Muja ka marrë 27 mijë vota, ndërkaq kundërkandidati Eqrem Kryeziu 22 mijë e 900 vota”, tha Hoxha. Edhe partënerët e koalicionit kanë uruar Ramadan Mujën për fitoren e këtyre zgjedhjeve.
Muja merr Prizrenin
Kandidati i PDK-së, Ramadan Muja ka fituar përballë kundërkandidatit të LDK-së, Eqrem Kryeziut.
Sipas rezultateve preleminari kandidati i PDK-së, Ramadan Muja ka fituar 53 për qind, ndërkaq ai i LDK-së, Eqrem Kryeziu 46 për qind. /PrizrenPress.com/