Kryetari i Komunës së Prizrenit, Ramadan Muja, ka uruar kryetarin e Bashkësisë Islame në Prizren, myftiun Lutfi Balleku dhe të gjithë qytetarët me rastin e festës së Bajramit të Kurbanit.
“Festa e Bajramit, uroj që të na shërbejë në thellimin e respektit, tolerancës, miqësisë dhe dashurisë për familjen, fëmijët dhe të gjithë qytetarët.
Festa e Kurban Bajramit e lartëson shpirtin e besimtarëve, forcon besimin në Zot, i bashkon ata, ngrit ndjenjat e solidaritetit ndërnjerëzorë dhe zgjon idenë e sakrificës për të mirën e përgjithshme njerëzore”.
Muja në urim premton se Komuna e Prizrenit do të vazhdojë të jetë e angazhuar thellësisht, për ngritjen e mirëqenies dhe të ardhmen e ndritur për të gjithë qytetarët.
“Uroj që kjo festë , të na bashkojë të gjithëve fuqishëm, të jemi solidar me njëri tjetrin, të jemi sa më afër atyre që kanë nevojë dhe të rrugëtojmë të gjithë së bashku drejt sukseseve të reja”. /PrizrenPress.com/