Ramadan Muja, kryetar i Prizrenit, duket mirë me shëndet. Edhe gripi me gjasë i ka kaluar. Shkaku i gripit, gjyqtari i EULEX-it, shtyu seancën gjyqësore ndaj Mujës dhe të tjerëve.
Ajo ishte paracaktuar të mbahet më 19 shtator 2013. Zëdhënësi i Komunës, Ymer Berisha, atë ditë deklaroi se kryetari Ramadan Muja është i ftohur dhe se me rekomandimin e mjekëve nuk ka marrë pjesë në gjykim.
“Është me grip të lehtë. Mjekët e kanë rekomanduar të pushojë”, ishte shprehur Berisha. Ata ditë kryetari Muja nuk mori pjesë as në seancën e Asamblesë Komunale në të cilën ishte diskutuar buxheti komunal për vitin 2014. Mungesa e tij bëri që gjyqtari i EULEX-it, të shtyjë seancën për një ditë tjetër. Por pa caktuar datën. E një e tillë nuk është parashikuar se do të mbahet së shpejti. Së paku jo para datës 10 tetor. Kështu deklaron Ruzhdi Berisha, avokat i kryetarit Ramadan Muja.Kandidati i PDK-së, Muja i kontaktuar nga gazetari i Tribunës nuk ka pranuar të flasë për këtë cështje. Ai madje e ka quar ‘n..t’ samës’ gazetarin duke ia mbyllur telefonin