Deputeti i Lëvizjes Vetëvendosje Mytaher Haskuka ka thënë se po arrestohen ngase janë kundër ‘Zajednicës’ por nuk do të lodhen së protestuari derisa të ndalen të gjitha padrejtësitë sipas tij kundrejt Kosovës dhe fëmijëve të këtij vendi.
“Ne sot po arrestohemi ngase jemi kundër ‘Zajendicës’, një marrëveshje për ndarje etnike (segregim) të Kosovës, këtë e vërtetoi edhe vendimi i Gjykatës Kushtetuese. Prandaj ne nuk do të lodhemi së protestuari derisa nuk ndalen plotësisht këto padrejtësi kundrejt Kosovës dhe kundrejt fëmijëve tanë” ka thënë Haskuka, në një status në Facebook.
Haskuka ka bërë edhe një krahasim me kandidatin për President të Amerikës i cili është arrestuar për protest kundër ndarjes racore në Universitet.
Lexojeni postimin e plotë të deputetit Haskuka:
“Ky është Bernie Sanders njëri nga kandidatët për President të Amerikës nga rradhët e demokratëve. Ai është duke u arrestuar nga policia amerikane për protestë kundër segregimit (ndarjes) racor në universitet. I pyetur për këtë arrestim ai tregon që është arrestuar shumë herë ngase gjithmonë ka qenë kundër padrejtësive.
Ne sot po arrestohemi ngase jemi kundër Zajendicës, një marrëveshje për ndarje etnike (segregim) të Kosovës, këtë e vërtetoi edhe vendimi i Gjykatës Kushtetuese. Prandaj ne nuk do të lodhemi së protestuari derisa nuk ndalen plotësisht këto padrejtësi kundrejt Kosovës dhe kundrejt fëmijëve tanë.
?#?BernieSanders” (sic), ka shkruar Haskuka.