Përfaqësues të shoqatës për persona të zhdukur dhe krime të luftës në Podujevë “Përkorë” kanë shprehur shqetësimin për moszbatimin e Deklaratës së përgjithshme për të drejtat e njeriut.
Në prag të shënimit të 66-vjetorit të Kartës për të Drejtat e Njeriut, kryetari i shoqatës “Përkorë”, Latif Mehmeti, ka thënë se në Kosovë po shkelen të drejtat e njeriut.
“10 Dhjetori është Dita Ndërkombëtare për të Drejtat e Njeriut, pra 66-vjetori i Kartës për të Drejtat e Njeriut. Neni 3 thotë se gjithkush ka të drejtë të jetojë i lirë dhe të ketë sigurimin vetjak dhe asnjeri nuk duhet të mbahet si skllav ose çifçi, skllavëria dhe tregtia e skllevërve janë të ndaluara në të gjitha format. Mirëpo, në Kosovë këto nene të kësaj deklarate akoma nuk janë zbatueshme”, ka thënë Latif Mehmet, shkruan Koha Ditore.