Drejtoria e Shërbimeve Publike në Prizren nëpërmjet kompanive të kontraktuara ka vazhduar me mirëmbajtjen e rrugëve duke bërë fshirjen dhe larjen e tyre, transmeton PrizrenPress.
Sipas njoftimit, në të gjitha rrugët e pastruara janë përdorur edhe preparate shtesë dezinfektuese.
“Krahas fshirjes dhe larjes, kompanitë po angazhohen edhe për grumbullimin e mbeturinave dhe mirëmbajtjen e hapësirave të gjelbruara, ndërsa ndërkohë po përgatitet edhe plani për mbjellje në këto hapësira”, thuhet në njoftimin e Komunës. /PrizrenPress.com/
