Drejtoria për Kulturë, Rini dhe Sport në Rahovec, do të hapë një ekspozitë me gazeta të vjetra, në Ditën Botërore të Lirisë së Shtypit.
Po ashtu, DKRS ka planifikuar edhe mbajtjen e një tryeze, ku do të debatohet rreth gjendjes së medies në komunën e Rahovecit dhe prezantimin e zhvillimeve në këtë komunë.
Të pranishëm në këtë debat, do të jenë njohës të çështjeve të medies, përfaqësues të portaleve informuese, gazetarë e ish-gazetarë të kësaj komune.Pjesëmarrja e qytetarëve dhe grupeve të shoqërisë civile është e mirëpritur.
Drejtoria e Kulturës ka planifikuar edhe ndarjen e mirënjohjeve për gazetarët që kanë raportuar nga kjo komunë.
Aktiviteti mbahet më 3 maj 2016, në orën 14:00 në qendrën e kulturës “Mensur Zyberaj”./PrizrenPress.com/