12.1 C
Prizren
E enjte, 18 Shtator, 2025

Nëntë persona vdesin pas rrëzimit të një aeroplani në Suedi

Nëntë persona kanë vdekur, si pasojë e përplasjes së një aeroplani në Suedi, që ishte duke bartur parashutistë.

Aeroplani ka qenë duke bartur tetë parashutistë dhe pilotin teksa është përplasur afër pistës së Aeroportit Orebro, rreth 160 kilometra në perëndim të Stokholmit, të enjten.

Përplasja besohet se ka ndodhur pak pasi është nisur aeroplani.

“Është aksident i rëndë”, ka thënë policia suedeze në faqen e saj në internet.

“Secili person që ka qenë në aeroplan ka vdekur”.

Aeroplani i vogël, i llojit DHC-2 Beaver, ishte marrë me qira nga klubi i parashutistëve për një organizim veror, kanë raportuar mediat lokale.

Kryeministri suedez, Stefan Lofven, ka shprehur ngushëllimet e tij.

“Me dhimbje të madhe e kam pranuar informacion tragjik për përplasjen e aeroplanit në Orebro”, ka thënë ai.

Në një incident të ngjashëm më 2019, nëntë persona kanë vdekur kur një aeroplan ka qenë duke i bartur atë për hedhje me parashutë në veri të këtij shteti.

Hetimet kanë treguar se aeroplani është mbushur në mënyrë të papërshatshme

Më Shumë

Prizreni përfiton internet publik falas përmes projektit evropian WiFi4WB

Kryetari i  Prizrenit, Shaqir Totaj, ka bërë të ditur se Komuna e Prizrenit është përzgjedhur për të përfituar nga iniciativa WiFi4WB, që do të...

60 vite nga “Yesterday” – Kënga e kompozuar në gjumë nga Paul McCartney

Gjashtëdhjetë vjet më parë, më 13 shtator 1965, “Yesterday” u publikua në Shtetet e Bashkuara, dy muaj pasi ishte publikuar në BM. Është luajtur të...

Lajmet e Fundit