Sjellja e Cristiano Ronaldos në javët e fundit, si dhe dëshira e tij për t`u larguar nga Manchester United nuk është pëlqyer nga legjenda të këtij klubi, Gary Neville.
“Si ish-kapiten i Unitedit, jam i neveritur ta shoh këtë. Ylli i Manchester United luan lojëra të ndryshme në dhomën e zhveshjes. Nuk duhet të sillet kështu ylli kryesor i klubit. Kjo ka ndodhur disa herë gjatë viteve të fundit. Ne kishim edhe Paul Pogban, i cili luajti kështu me klubin gjatë gjithë kohës”, tha Neville.
Në fakt, ylli oortugezi nuk dëshiron të qëndrojë në “Old Trafford” sepse klubi nuk luan në Champions League. Përveç kësaj, Cristiano beson se klubi nuk ka sjellë mjaftueshëm lojtarë të mirë për të qenë konkurrues në sezonin e ri në Ligën Premiere.