Antonio Conte, ish-trajneri i Juventus-it dhe Inter-it në Serie A dhe aktualisht te Tottenham në Premier League thuhet se dëshiron të rikthehet në vendlindje.
Sipas “Calcio Mercato”, Conte dëshiron të rikthehet te Juventus-i. Për këtë arsye ai ka refuzuar nënshkrimin e kontratës së re me Tottenham.
Kontrata aktuale e Conte-s me Spurs përfundon në verën e 2023. 53-vjeçari ka drejtuar skuadrën angleze në 44 ndeshje ne të gjitha garat, nga ku ka arritur 26 fitore, shtatë barazime dhe 11 humbje.
Këtë sezon, Tottenham-i i Conte-s numëron pesë fitore, dy barazime dhe një humbje në tetë ndeshjet e para.
Megjithatë, tekniku nuk duket i bindur për të vazhduar me anglezët.
Conte, ish-mesfushori i Juventus-it nga 1991 deri në 2004, e udhëhoqi skuadrën si trajner nga 2011-14, duke fituar tre tituj të Serie A dhe dy Superkupa të Italisë.
/Albanianpost.com