Policia e Kosovës, me anë të një komunikate, ka njoftuar sot se prej sot në Pikën e Kalimit të Kufirit në Vërmicë do të aplikohet kontrolli kufitar në dalje.
“Lidhur me menaxhimin dhe kontrollin e kufirit shtetëror, si një nga detyrat dhe autorizimet e përgjithshme të Policisë së Kosovës ju informojmë se:
Si rekomandim nga Komisioni Evropian, në procesin e dialogut të liberalizimit, në mes të Kosovës dhe Komisionit Evropian, që nga data 10 Nëntor 2015, në Pikën e Kalimit të Kufirit në Vërmicë do të aplikohet kontrolli kufitar në dalje.
Ky kontroll kufitar do te mundësoj aplikimin e standardit të kontrollit sistematik dhe nuk do të jetë pengesë në qarkullim e njerëzve dhe mallrave përmes kësaj pike”, thuhet në komunikatë. /PrizrenPress.com