Nisma në Prizren ka mirëpritur arrestimin e Nexhat Çoçajt dhe zyrtarëve të tjerë të Drejtorisë së Arsimit.
Sipas këtij subjekti politik, zyrtarët e kësaj drejtorie kanë shkaktuar dëmte të mëdha arsimit në Prizren.
“Që moti NISMA për Kosoven-dega Prizren ka vënë në pah që pushtetarët komunal,e kanë bërë të pistë këtë qytet”, thuhet në komunikatë të Nismës në Prizren.
“Sjelljet abuzive, nepotizmi, shkelje ligji dhe shumë fenomene të ndryshme negative, lëre më që kurr nuk u penguan, por ato janë akoma evidente dhe si të tilla po lëshojnë rrënjë çdo ditë e më shumë në Komunën e Prizrenit. Aq larg pat shkuar drejtori i Drejtorisë së Arsimit në Prizren, Nexhat Çoçaj me veprimet e tij , ku përvec abuzimeve dhe keqpërdorimeve me të gjallët, abuzoj edhe me gjakun e dëshmorëve”.
“Këta njerëz të tipit Çoçajn, gjatë qeverisjes së tyre dëshmuan se nuk din t’i trajtojnë as të gjallët e as të vdekurit, duke injoruar dëshmorët dhe duke ua vrarë shpresën edhe të gjallëve”.
“Mirëpo, populli thotë: “Më mirë vonë se kurrë”, andaj edhe NISMA-dega Prizren përshëndet arresitmin e drejtorit Çoqaj dhe pesë të akuzuarave tjerë”.
“Konsiderojmë se abuzimi me sistemin e arsimit në komunen e Prizrenit, komunë kjo që çdoherë është shquar për nga vlera dhe kultura,nuk është lehtë për tu rikuperuar dhe se denimi i drejtorit Çoqaj dhe të tjerëve, është minimale në raport me dëmet e shkaktura”.
“NISMA Për Kosoven-dega Prizren inkurajon organet e drejtësisë që mos të ndalen me kaq, por të vazhdojnë me investigime dhe rrjedhimisht arrestime tjera në komunen e Prizrenit”.
“Një pushtet me një kryetar dhe shumë drejtor të dënuar për shumë vepra penale , dëshmon më së miri se sa trishtueshme është situata në komunen e Prizrenit”./PrizrenPress.com/