Të premten mbrëma, publiku u emocionua së tepërmi nga takimi mes aktorit të humorit Donald Veshaj dhe moderatores Bora Zemani.
Dyshja ka konfirmuar ndarjen disa muaj më parë, por sinjale ‘ribashkimi’ erdhën gjatë takimit të tyre. Gjatë bisedës, Donaldi puthi në buzë Borën, mirëpo kjo sipas moderatores nuk do të thotë asgjë.
Ajo ka deklaruar ditën e sotme në emisionin “Përputhen”, ku dhe është moderatore, se ka ende shumë gjëra që ato duhet të sqarojnë, derisa të arrihet në një përfundim për vazhdimësinë e tyre.
“Në atë dalje në Big Brother, u përcollën shumë emocione të forta dashurie, ku këto ndjenja nuk janë të rëndësishme vetëm për partnerin, por edhe për shoqen e ngushtë. Jam pa fjalë tërësisht“.
E pyetur nga opinionisti Arjan Konomi nëse ky ishte një ribashkim mes çiftit, Bora u përgjigj: “Nuk e di as vetë o Arjan se çfarë ndodhi. Deri diku e prisja që do të ngacmohesha, por deri në atë nuk e prisja kurrë që do shkonte”.
(BalkanWeb)