23.8 C
Prizren
E premte, 19 Gusht, 2022

Nuk e tregojnë “pazarin” e koalicionit

zafa dhe eqaEqrem Kryeziu dhe Zafir Berisha nuk preferojnë të tregojnë “pazarin” e koalicionit të tyre.  Ata thonë se ky koalicion është krejtësisht parimor. Kryeziu thotë se ndarja e drejtorive të Ekzekutivit më shumë është çështje teknike. “Me thënë të drejtën ndarja e drejtorive më shumë është çështje teknike”, thotë Kryeziu.

“PrizrenPress” ndërkaq, merr vesh se Bashkimi Demokratik, nëse do t’i fitojë zgjedhjet me LDK-në, do t’i ketë pesë drejtori dhe pozitën e nënkryetarit të Komunës së Prizrenit.

Kryetari i BD-së Zafir Berisha thotë se koalicioni me LDK-në është lidhur më shumë për të ndalur gjendjen e rëndë në Prizren.” Zafiri fizikisht nuk do të jetë në Ekzekutiv, por fryma e Bashkimit Demokratik. Une besoj se kjo frymë e BD-së do të përmisojë gjendjen e keqe që është krijuar në Prizren”, thotë Berisha.

Sipas tij, koalicioni me LDK-në nuk është lidhur për interesa personale. “Ky koalicion nuk është arritur për interesa personale për të punësuar miq e shok, por për të ndalur këtë keqqeverisje”, thotë Berisha.

Eqrem Kryeziu(LDK) dhe Zafir Berisha(BD) kanë nënshkruar dje koalicionin për balotazh. Ata janë shprehur të sigurt se ky koalicion do të dalë fitues me 1 dhjetor./PrizrenPress.com/

Më Shumë

Lajmet e Fundit