Rock grupi i mirënjohur Objective para disa ditësh ka lansuar videoklipin e këngës më të re me titull: “Ti na mungon” me tekst të shkruar nga Lirim Alija , ndërsa klipi është xhiruar nga produksioni Frameln Production .
Ky tekst, respektivisht kjo elegji flet për një dukuri apo më mirë të themi për disa pasione të të rinjëve që duken atraktive por mjerisht dinë të jenë shumë fatale dhe të marrin jetëra të rinjësh. Në këtë rast elegjia i dedikohet një të riu Burim Skenderit.
Djelmoshat e këtij grupi, pra Mentori, Qëndrimi, Blerim Osmani, Blerim Qamili dhe Labinoti kanë arritur më së miri ta mishërojnë dhe me anë të instrumenteve dhe zërit melodik të vokalit përcjellin emocione dhe japin mesazh për rininë.