Policia e Kosovës ka nisur një operacion masiv, per t’i arrestuar vrasësit e 22 vjeçarit nga fshati Sopi, i Suharekës. Kështu i kanë thënë Gazetës Blic burime nga Policia e Kosovës. “Njësia Speciale e Policisë së Kosovës sapo ka nisur një operacion masiv per kapjen e veasësve. Është identifikuar vendndodhja e tyre dhe në çdo moment pritet arrestimi i tyre”, ka thënë ky burim për Gazetën Blic.
Vrasja kishte ndodhur në fshatin Sopi të Suharekës, ku dyshohet se persona të armatosur kanë qëlluar mbi Egzon Mazrekun dhe babanë e tij, Naimin, në shtëpinë e tyre ku kishin hyre për të kryer vjedhje.
Egzoni kishte vdekur nga plaga, ndërsa babai i tij, Naimi është duke u trajtuar në QKUK.
Gazeta Blic do t’ju mbajë të informuar për këtë rast.