Komuna e Malishevës ka ndarë 3 mijë euro për festivalin ‘Nine Eleven’. Por ky festival që mbahet në Prishtinë nxiti reagimin e opozitës në Malishevë.Opozita e kësaj komune ka reaguar, duke thënë se për çështje madhore për banorët e Malishevës ekzekutivi komunal deklaron se nuk ka buxhet.
LDK-ja si partia më e madhe opozitare, e sheh dhurimin e këtyre mjeteve si të pavend, sidomos kur komuna e udhëhequr nga Kilaj deklaron se ka pak buxhet.
Sipas Vetëvendosjes, Malisheva është vendi me më së paku aktivitete kulturore, ngase komuna deklaron se nuk ka fonde. E taksapaguesit e kësaj komune, paratë e të cilëve u dhanë për këtë festival, duket se nuk kanë dëgjuar shumë për të. KTV-ja e ka pasur të pamundur të kontaktoi me drejtorin ekzekutiv të festivali, Blerim Gjoci ngase ai ndodhet jashtë vendit. Festivali 9/11 mbahet në Prishtinë nga data 7 deri më 11 shtator.