14.8 C
Prizren
E enjte, 29 Shtator, 2022

Opozita: Raporti i progresit evidenton ngecje

Kuvendi_i_Kosoves_7Partitë opozitare të Kosovës, thonë se Raporti i Progresit në disa raste është edhe më i keq se vitet e kaluara. Kjo siç u shprehen ata për shkak të krimit të organizuar, korrupsionit, mosfunksionimit të mjaftueshëm të Qeverisë, Parlamentit dhe disa institucioneve tjera. Deputetët e opozitës kritikuan sidomos mos përmbushjet e kritereve bazë.

Deputeti i Lidhjes Demokratike të Kosovës, Armend Zemaj, tha se Kosova duhet të ofrojë dëshmi konkrete, në luftimin e krimit të organizuar, trafikimit dhe kontrabandës. Ai tha se kjo është një gjendje e vazhdueshme që po e përcjell Kosovën, duke kritikuar Qeverinë për situatën e krijuar në vend.

“Po të shikohet vetëm janë rritur skandalet, janë rritur opinionet e këqija, por edhe defektet si në kërkesat e legjislacionit, qeverisë por edhe implementimit të tyre. Siç e keni parë nga Raporti i Progresit e metë edhe më e madhe është rritja e krimit të organizuar, trafikimit me qenie njerëzore që është njollë e zezë për Kosovën. Kjo tregon qartë se nuk ka luftim të krimit dhe të korrupsionit në Kosovë dhe nuk ka zbatim të ligjeve d.m.th masat mungojnë në mënyrë të vazhdueshme dhe kjo është e meta kryesore që kjo qeveri nuk e ka vullnetin dhe institucionet e pavarura nuk e kanë vullnetin për shkak të ndikimit qeveritar për të mos u zbatuar ligjet, që besoj se shumica prej tyre kishin mundur të arrijnë efektin e duhur”, tha Zemaj, transmeton RTK.

Deputeti i AAK-së, Burim Ramadani, duke përmendur elementet shqetësuese në këtë raport, tha se opozita duhet të vazhdojë presionin publik ndaj qeverisë dhe në të njëjtën kohë të përgatitet që të ndërrojë qeverinë.

“Qarkullim i parasë është elementi kryesor në të cilat raporti thotë se institucionet e zbatimit të ligjit në Kosovë hezitojnë me fillua punën aty dhe kërkon që të fillohet puna menjëherë nga policia, prokuroria që të hetohen aspektet financiare. Kjo i bie që institucionet dhe udhëheqësit mos me vjedh dhe me lejua mundësinë që institucionet e zbatimit të ligjit me krye punën e vet, mos me ndërhy politikisht. Deri sa jemi kështu kemi me marrë gjithnjë raporte të njëjta”, tha ai.

Ndërsa, deputetja e Vetëvendosjes, Albulena Haxhiu, thotë se Raporti i Progresit tregon gjendjen reale ku ndodhet Kosova, pra siç tha, dështimin dhe regresin e shënuar si pasojë e Qeverisë së papërgjegjshme.

“Dora e padukshme e qeverisë në sistemin e drejtësisë krimi i organizuar e korrupsioni, trafikimi me qenie njerëzore, mungesa e lirisë së mediave, e të tjera…janë vetëm disa nga gjetjet e përmendura në raport dhe kjo vjen si pasojë e qeverisë së papërgjegjshme. Kur ishte çështja për të arriturat që duhet të bëjë Kosova Lëvizja Vetëvendosje ka dhënë kontributin në shumë aspekte, mirëpo nuk mund të kemi asnjëherë progres përderisa e kemi këtë qeveri në pushtet”, tha ajo.

Partitë opozitare i bënë thirrje qeverisë, që urgjentisht t’i adresojë mangësitë. Ndryshe, në Raportin e Progresit janë përpiluar nga Komisioni Evropian, përparimet, që Kosova ka ndërmarrë karshi anëtarësimit në Bashkimin Evropian.

Më Shumë

Oleksandr Usyk zbulon se kur dhe ku do të pensionohet nga boksi profesionist

Boksieri ukrainas, Oleksandr Usyk ka pohuar se ka në plan të tërhiqet pas tre ndeshjeve të ardhshme. Ai mbetet i pamposhtur në karrierën e tij...

Trajneri drogonte dhe më pas i përdhunonte futbollistët – gjithçka e kishte regjistruar në kamera

Një trajner futbolli në Gjermani, në ligat më të ulëta, thuhet të ketë droguar dhe përdhunuar seksualisht të paktën 10 të rinj nga mosha...

Kolona e pestë

Lajmet e Fundit