Policia dje kishte sekuestuar dy armë pas një kontrolle në Nashec të Prizrenit, pasi kishin marrë informata se kishte të shtëna tek shtëpia e një të dyshuari, i cili kishte deklaruar se pati organizuar aheng për ditëlindjen e tij.
“Gjatë kontrollit në shtëpinë e të dyshuarit është gjetur dhe sekuestruar një armë pneumatike, ndërse tek i dyshuari i dytë që kishte qenë prezent aty është gjetur dhe sekuestruar një pistoletë me katër fishek. Në cilësi të provave materiale është sekuestruar edhe DVR i kamerave të sigurisë”, thuhet në raportin 24 orësh të policisë.