19.8 C
Prizren
E martë, 18 Qershor, 2024

Panairi i Librit kumton: Pirateria dhe informaliteti po vrasin librin

Panairi librit-Tirane2013Në orën 9:00 të datës 13 nëntor do të çelet Panairi i 16-të i Librit “Tirana 2013”. Për pesë ditë me radhë 90 subjekte botuese, 12 prej të cilave vijnë nga Kosova e shumë më pak nga Maqedonia dhe Mali i Zi, do të sjellin për lexuesin e librit shqip tituj e autorë të rinj.

Ndërkaq një pjesë e mirë e vëmendjes do të përqendrohet në sloganin që ka këtë vit ky Panair: “Pirateria dhe informaliteti po vrasin librin”. Aktivitete të shumta do të zhvillohen mbi këtë tematikë. Shumë personalitete të kulturës dhe të politikës, institucione kombëtare dhe faktorë ndërkombëtarë do të diskutojnë mbi problemet që sjell në tregun e lirë të librit “vjedhja” e të Drejtës së Autorit. Qëllimi i Shoqatës së Botuesve Shqiptarë është sensibilizimi i shoqërisë shqiptare. Sipas kryetarit të SHBSH, të gjithë bashkë mundemi t’i themi “Stop piraterisë”. Pra ky edicion i Panairit të Librit nuk do të jetë thjesht dhe vetëm prezantim. Gjatë pesë ditëve do të trajtohen edhe mjaft probleme të tjera që ka sot tregu i libri. Sigurisht që siç çdo vit edhe shumë shtëpi botuese kanë programuar aktivitetet e tyre gjatë ditëve të Panairit. Të ftuar specialë, shqiptarë dhe të huaj do të jenë të pranishëm për të prezantuar librat e tyre dhe siç e do tradita, edhe për të lënë një shënim në faqen e parë të librit për lexuesit e tyre. Për herë të parë në Panairin e 16-të të Librit “Tirana 2013” do të jenë dhe dy personalitete të kulturës italiane: Claudio Magris dhe Bruno Vespa, shkruan Mapo.

Claudio Magris, është një shkrimtar dhe studiues mjaft i njohur i gjuhës gjermane. Gjithashtu ai ka qenë senator. Magris është vlerësuar si një nga shkrimtarët më të mëdhenj bashkëkohorë të Italisë. Shkruan për të përditshmen italiane “Corriere della Sera”.

Bruno Vespa, drejtuesi i njohur i emisionit “Porta a Porta” është, përveç të tjerash, edhe autor i mbi 30 librave, një pjesë e madhe e të cilëve janë studime shumë serioze mbi historinë e politikës italiane dhe mbi personalitetet që kanë bërë historinë e Italisë. Ky i fundit vjen i ftuar nga Universiteti Europian i Tiranës dhe Botimet UET PRESS.

Më Shumë

Ndeja e partisë në Prizren, Vetëvendosje publikon videon ku qytetari shihet duke ia puthur dorën Kurtit

Lëvizja Vetëvendosje ka publikuar pamje nga ndeja që mbajtën dje në Prizren me aktivistë e anëtarë të kësaj partie. Pjesë e kësaj videoje është edhe...

Rrëfimi i fotoreporterit që xhiroi largimin e forcave serbe nga Prizreni

Muaji qershor për shumicën e qytetarëve të vendit është i spikatur për shkak se pikërisht në këtë muaj vendi u çlirua nga Serbia. E,...

Lajmet e Fundit