PDK-ja në Malishevë ka demantuar se është i është shuar nëndega Dragobil. “Të gjitha dezinformatave për shuarjen e nëndegës së PDK-së në fshatin prej 132 shtëpive të Dragobilit, ju përgjigjen vet banorët e këtij fshati, duke dalë publikisht 98 familje në përkrahje të PDK-së dhe kryetarit Kilaj, edhe për një mandat të vazhdimit qeverisjes së mirë për Malishevën”, thuhet në komunikatën e PDK-së në Malishevë.
Banorët e Dragobilit, mbrëmë mbështetën edhe njëherë fuqishëm Isni Kilajn.“Kjo mbështetje ka shuar të gjitha dezinformatat. Nëndega në Dragobil është fuqishëm në PDK dhe në mbështetje të Kilajt”.
Gjatë tubimit elektoral në Dragobil, Kilaj, paraqiti programin e tij qeverisës për Malishevë, në katër vitet e ardhshme. PDK-ja ka vazhduar fushatën e saj edhe në qytetin e Malishevës. Kandidati Isni Kilaj, në programin e tij qeverisës, premtoi realizimin e tri shtyllave kryesore të programit të tij,përkatësisht infrastrukturën, bujqësinë, mbrojtjen e ambientit dhe zhvillimin e turizmit.
PDK-ja në këtë qyytet ka vazhduar takimet elektorale edhe në fshatin Turjakë. Kilaj, premtoi për banorët e Turjakës, vazhdimin e projekteve në infrastrukturën e këtij fshati, trotuarin përgjatë rrugës për në shkollë, dhe projekte tjera, të cilat janë nevoja të kohës, për banorët e Turjakës.
Naser Krasniqi, njëri ka eprorët e shquar të UÇK-së, i njohur nga rasti “Kleçka”, tha se ”arsyeja pse jam në PDK dhe pse e përkrahi PDK-në, është, sepse është parti e vlerave, parti e cila sublimon vlerat e vërteta të UÇK-së, si dhe është partia me madhe dhe më serioze, parti e cila një vizion të qartë”. “Po ashtu ju bëj thirrje që ta mbështetni Isni Kilajn, për kryetar të Malishevës, pasi është njeriu që ka ndryshuar Malishevën për të mirë dhe kjo qeverisje e mirë do të vazhdoj, pasi e ka mbështetjen e shumicës së qyetarëve të Malishevës dhe ka mbështetjen e kryeministrit Thaçi”, tha Krasniqi./PrizrenPress.com/